Main Menu

انگلینڈ اور فرانس نے ورلڈ کپ کے کوارٹر فائنل میں جگہ بنالی

ہاکی ورلڈ کپ میں انگلینڈ نے نیوزی لینڈ اور فرانس نے چین کو شکست دے کر ایونٹ سے باہر کر کے کوارٹر فائنل کے لیے کوالیفائی کر لیا۔

بھارت کے شہر بھوبھنیشور میں کھیلے جا رہے 14ویں عالمی کپ کے ناک آؤٹ مرحلے کا آغاز ہو گیا اور انگلینڈ نے نیوزی لینڈ کو ایونٹ سے باہر کردیا۔

انگلینڈ کی ٹیم میچ میں ابتدا سے ہی حاوی رہی لیکن پہلے کوارٹر میں کوئی بھی ٹیم گول اسکور نہ کرسکی البتہ میچ کے 25ویں منٹ میں ول کلنان نے فیلڈ گول کر کے اپنی ٹیم کو برتری دلا دی۔

میچ کے تیسرے کوارٹر کے اختتام سے قبل انگلینڈ کی ٹیم کو پینالٹی کارنر ملا جس پر لیوک ٹیلر نے اور گول کر کے اپنی ٹیم کی برتری کو دگنا کردیا۔

انگلینڈ کی یہ برتری میچ کے اختتام تک برقرار رہی اور انگلینڈ نے میچ میں 0-2 سے کامیابی حاصل کر کے کوارٹر فائنل میں جگہ بنا لی جہاں اس کا مقابلہ ارجنٹینا سے ہو گا۔

دن کے دوسرے میچ میں فرانس نے چین کو سنسنی خیز مقابلے کے بعد 0-1 سے شکست دے کر اگلے راؤنڈ میں جگہ بنا لی۔ میچ کے پہلے اور دوسرے کوارٹر میں چین اور فرانس کی ٹیموں کو گول کرنے کے مئی مواقع ملے لیکن دونوں ہی ٹیمیں کوئی گول اسکور نہ کر سکیں۔

تاہم میچ کے 36ویں منٹ میں فرانس کے ٹموتھی کلیمنٹ نے گول اسکور کر کے میچ میں برتری حاصل کر لی جو میچ کے اختتام تک برقرار رہی۔

میچ میں فتح کے ساتھ ہی فرانس کی ٹیم نے کوارٹر فائنل کے لیے کوالیفائی کر لیا جہاں اس کا مقابلہ عالمی چیمپیئن آسٹریلیا سے ہو گا۔






Leave a Reply

Your email address will not be published. Required fields are marked as *

*