Main Menu

سلطانز نے یونائیٹڈ کو 5 وکٹوں سے شکست دے دی

پاکستان سپر لیگ (پی ایس ایل) کے چوتھے ایڈیشن کے چوتھے میچ میں ملتان سلطانز نے اسلام آباد یونائیٹڈ کو 5 وکٹوں سے شکست دے کر سیزن میں پہلی کامیابی حاصل کرلی۔

ملتان سلطانز نے پہلے میچ میں شکست کے بعد پاکستان سپر لیگ (پی ایس ایل) میں واپسی کرتے ہوئے دفاعی چیمپیئن اسلام آباد یونائیٹڈ کے خلاف میچ میں گرفت ابتدا میں ہی مضبوط کرلی تھی۔

دبئی اسپورٹس سٹی میں کھیلے گئے پی ایس ایل سیزن 4 کے چوتھے میچ میں ملتان سلطانز نے ٹاس جیت کر اسلام آباد یونائیٹڈ کے خلاف فیلڈنگ کا فیصلہ کیا۔

اننگز کے آغاز سے ہی ملتان سلطانز کی تجربہ کار باؤلنگ نے اسلام آباد یونائیٹڈ کو دباؤ میں لیے رکھا اور کسی بھی کھلاڑی کو آزادی کے ساتھ کھیلنے نہیں دیا۔

اسلام آباد یونائیٹڈ کے لیوک رونکی 5 چھکوں کی مدد سے 51 رنز بنانے میں کامیاب ہوئے جبکہ دوسرا کوئی کھلاڑی نمایاں کارکردگی پیش نہیں کر سکا۔

دفاعی چیمپیئن اپنے مقررہ اوورز میں 7 وکٹوں کے نقصان پر 125 رنز ہی بناسکی۔

ملتان سلطانز کی جانب سے اپنا پہلا میچ کھیلنے والے علی شفیق سب سے نمایاں رہے جنہوں نے اپنے 4 اوور کے کوٹے میں صرف 11 رنز دیے اور 2 کھلاڑیوں کو آؤٹ کیا۔

اس کے علاوہ شاہد آفریدی نے اپنے 4 اوورز میں 18 رنز دے کر 2، جنید خان نے 33 رنز دے کر 2 جبکہ محمد عرفان نے 4 اوورز میں 16 رنز دے کر ایک وکٹ حاصل کی۔






Leave a Reply

Your email address will not be published. Required fields are marked as *

*