Main Menu

شاہینوں کے خلاف کینگروز کی بڑی فتح ۔۔۔ سیریز میں ایک صفر کی برتری

آسٹریلیا نے کپتان ایرون فنچ کی شاندار سنچری کی بدولت پاکستان کو ایک روزہ سیریز کے پہلے میچ میں 8 وکٹوں سے باآسانی شکست دے دی۔

شارجہ میں کھیلے جا رہے پانچ ون ڈے میچوں کی سیریز کے پہلے میچ میں پاکستان نے ٹاس جیت کر پہلے بلے بازوں کو آزمانے کا فیصلہ کیا۔

امام الحق اور شان مسعود نے 35 رنز کا آغاز فراہم کیا جس کے بعد حارث سہیل بیٹنگ کے لیے آئے اور شان مسعود کے ساتھ مل کر اسکور کو 78 رنز تک پہنچایا۔

شان مسعود 40 اور امام الحق 17 رنز بنا کر آوٹ ہوئے جبکہ عمر اکمل اور حارث سہیل نے پراعتما بلےبازی کا مظاہرہ کیا اور ٹیم کا اسکور 38 ویں اوور میں 176 رنز تک پہنچایا۔

حارث سہیل نے آؤٹ ہوئے بغیر 101 رنز بنائے—فوٹو:پی سی بی ٹویٹر
حارث سہیل نے آؤٹ ہوئے بغیر 101 رنز بنائے—فوٹو:پی سی بی ٹویٹر

عمر اکمل کی طویل عرصے بعد قومی ٹیم میں واپسی ہوئی اور وہ محض ایک رن کے فرق سے اپنی نصف سنچری مکمل نہ کرپائے اور 176 کے مجموعی اسکور پر 49 رنز بنا کر آؤٹ ہوئے۔

کپتان شعیب ملک بھی خاطر خوا کارکردگی دکھانے میں ناکام رہے اور صرف 11 رنز بنا کر گلین میکسویل کو کیچ دے کر پویلین پہنچ گئے جس کے بعد فہیم اشرف نے حارث سہیل کے ساتھ دیا۔

فہیم اشرف 28 رنز بنا کر آؤٹ ہوئے تو پاکستان کا اسکور 47 اوورز میں 5 وکٹوں پر 247 رنز تھا لیکن عماد وسیم نے 4 چوکوں اور ایک چھکے کی مدد سے صرف 13 گیندوں میں 28 رنز بنا کر پاکستان کو 280 رنز کا مجموعہ ترتیب میں دینے اہم کردار ادا کیا۔

حارث سہیل نے ایک روزہ کرکٹ میں اپنی پہلی سنچری مکمل کی اور آؤٹ ہوئے بغیر 101 رنز بنائے اور ان کے ساتھ عماد وسیم 28 رنز بنا کر ناٹ آؤٹ رہے۔






Leave a Reply

Your email address will not be published. Required fields are marked as *

*