پاکستان کے مایہ ناز امپائر علیم ڈار نے نیا عالمی ریکارڈ قائم کردیا اور وہ ٹیسٹ کرکٹ میں سب سے زیادہ میچوں میں امپائرنگ کرنے والے امپائر بن گئے ہیں۔

جمعرات کو نیوزی لینڈ اور آسٹریلیا کے درمیان پرتھ میں شروع ہونے والے سیریز کے پہلے ٹیسٹ میچ میں علیم ڈار نے امپائر کی حیثیت سے میدان میں اتر کر عالمی ریکارڈ قائم کردیا اور سب سے زیادہ ٹیسٹ میچوں میں امپائرنگ کے فرائض انجام دینے والے آفیشل بن گئے۔

اس سے قبل سب سے زیادہ ٹیسٹ میچوں میں امپائرنگ کا ریکارڈ سابق ویسٹ انڈین امپائر اسٹیو بکنر کے پاس تھا جنہوں نے 128 ٹیسٹ میچوں میں امپائرنگ کی لیکن علیم نے جمعرات کو 129ویں میچ میں امپائرنگ کر کے نیا ریکارڈ بنا دیا۔