Main Menu

پہلا جشن آزادی فٹ بال کپ پروفیس ہیرکلرنے جیت لیا

DSCF1457

پہلا جشن آزادی فٹ بال کپ پروفیس ہیرکلرنے جیت لیا

فائنل میچ میں شاہد آئل سٹور کی ٹیم کو 4-1 سے شکست، مہمان خصوصی شاہد محمود آرائیں نے انعامات تقسیم کیئے

مانگامنڈی (رپورٹ :زاہد مغل /تصاویر:ایم امجد)پاکستان کے پہلے آن لائن سپورٹس نیوز پیپرجیت پاکستان ڈاٹ کام اورپاکستان کمپنی سپورٹس فیڈریشن کے زیراہتمام پہلا جشن آزادی فٹ بال کپ پروفیس فٹ بال کلب نے جیت لیا۔ شاہد آئل سٹورکی ٹیم کو فائنل میں ایک کے مقابلے 4 گول سے شکست کا سامنا کرنا پڑا۔ فائنل میچ کے مہمان خصوصی شاہد آئل سٹورکے ہیڈشاہد محمود آرائیں نے کھلاڑیوں میں انعامات تقسیم کیئے۔ ٹورنامنٹ آرگنائزنگ سیکرٹری حاجی طارق محمود کے مطابق بحریہ ٹاون فٹ بال اکیڈمی لاہور میں کھیلے گئے اس ٹورنامنٹ کے فائنل میں پروفیس سنتھیٹک ہیرکلر فٹ بال کلب کے کپتان ثاقب عطا جٹ نے اپنی مضبو ط دفاعی حکمت عملی کے مطابق شاہد آئل سٹور کی ٹیم کو فائنل میں ایک آسان مقابلے میں شکست دی ۔ پروفیس فٹ بال کلب کی جانب سے سلیم احمد خاں ، نذیراحمد گجر ، چوہدری انصراور صابر چشتی نے ایک ایک گول سکور کیا جبکہ شاہد آئل سٹور کی جانب سے آصف رانا نے ایک گول سکورکیا۔ فائنل میں کو نوجوان کوالیفائیڈ ریفری علیم چاندنے سپروائز کیا جبکہ فریاد اور اسلم نے ان کی معاونت کی ۔ فائنل میچ کے مہمان خصوصی نے پروفیس فٹ بال کلب کے کپتان ثاقب عطاجٹ کو ونگ ٹرافی اور 10 ہزار روپے نقد انعام دیا۔






Leave a Reply

Your email address will not be published. Required fields are marked as *

*