Main Menu

شاہین کیویز کے خلاف فیصلہ کن معرکے کی تیاری میں مصروف

نیوزی لینڈ سے تیسرے اور فیصلہ کن معرکے کی تیاری کیلیے پاکستانی کرکٹرز نے بھرپور مشقوں کا سلسلہ جاری۔

ابوظبی میں کھیلے جانے والے پہلے ٹیسٹ میں نیوزی لینڈ نے سنسنی خیز مقابلے کے بعد 4 رنز سے کامیابی سمیٹی تھی، دبئی میں پاکستان نے اننگز اور 16 رنز سے فتح حاصل کرتے ہوئے سیریزبرابرکردی، اب تیسرے اور فیصلہ کن معرکے کیلیے دونوں ٹیمیں ابوظبی میں مشقیں کر رہی ہیں جہاں پیر سے میدان سجے گا۔

گزشتہ روز ہیڈ کوچ مکی آرتھر نے بلند حوصلہ پاکستانی کرکٹرز کو لیکچر دیا، وارم اپ کے بعد فیلڈنگ سیشن میں کھلاڑیوں نے  مشکل کیچ تھامنے کے ساتھ وکٹوں کو نشانہ بنانے کا سلسلہ بھی جاری رکھا۔

بیٹسمینوں میں کوچز کی توجہ ٹاپ آرڈر پر مرکوز رہی، محمد حفیظ اور امام الحق نے نیٹ میں طویل سیشن کرتے ہوئے آف اسٹمپ سے باہر جاتی گیندوں پر تکنیک بہتر بنائی، اظہر علی، اسد شفیق اور حارث سہیل نے پیسرز کے بعد اسپنرز کا بھی سامنا کیا،سرفراز احمد اچھے اسٹروکس کھیلتے نظر آئے۔

انجرڈ فاسٹ بولر محمد عباس کا خلا پُر کرنے کیلیے مضبوط امیدوار شاہین شاہ آفریدی پر کوچز نے خصوصی توجہ دی، بولنگ کوچ اظہر محمود نے انھیں مفید مشورے دیے، حسن علی، فہیم اشرف اور میر حمزہ بھی ایکشن میں نظر آئے۔

یاد رہے کہ جمعے کو ٹریننگ لازمی نہیں قرار دی گئی تھی،چند کھلاڑیوں نے اپنی مرضی سے میدان کا رخ کیا،گزشتہ روز بھرپور مشقیں ہوئیں، اتوار کو دوبارہ ٹریننگ ہوگی، دوپہر کو پاکستانی کپتان سرفراز احمد اور کیوی ہم منصب کین ولیمسن پریس کانفرنس کریں گے۔






Leave a Reply

Your email address will not be published. Required fields are marked as *

*

Warning: Use of undefined constant WP_PB_URL_AUTHOR - assumed 'WP_PB_URL_AUTHOR' (this will throw an Error in a future version of PHP) in /customers/b/5/3/jeetpakistan.com/httpd.www/wp-content/plugins/adsense-box/includes/widget.php on line 164 Warning: Use of undefined constant WP_PB_URL_AUTHOR - assumed 'WP_PB_URL_AUTHOR' (this will throw an Error in a future version of PHP) in /customers/b/5/3/jeetpakistan.com/httpd.www/wp-content/plugins/adsense-box/includes/widget.php on line 164 Warning: Use of undefined constant WP_PB_URL_AUTHOR - assumed 'WP_PB_URL_AUTHOR' (this will throw an Error in a future version of PHP) in /customers/b/5/3/jeetpakistan.com/httpd.www/wp-content/plugins/adsense-box/includes/widget.php on line 164